Монтелла: Ҳозирги "Милан" нималарга қодирлигини ҳали билмайман

Хабарингиз бор кеча Италия А Сериясининг 4-турида “Милан” ўз майдонида “Удинезе”ни 2:1 ҳисобида мағлубиятга учратган эди.

Учрашув якунланганидан сўнг “россонерилар” бош мураббийи Винченцо Монтелла ўзининг ўйин ҳақидаги фикрларини билдириб ўтди.

“Баъзи ҳолларда концентрацияни йўқотиб қўйганимизни ҳисобга олмасак, менга ўйин ёқди. Умуман олганда эса биз учрашув давомида устунлик қилдик. Аммо, биз ўйин тақдирини эртароқ ҳал қилишимиз ва концентрацияни ҳам йўқотмаслигимиз мумкин эди.

Биз бугун муҳим ғалабани қўлга киритдик, лекин ушбу ўйин бир неча ҳафта аввал бўлганида балким ғалаба қозона олмаслигимиз ҳам мумкин эди. Чунки, биз кундан-кунга ўз ўйинмизни кучайтириб боряпмиз. Аммо, ҳозирги таркиб нималарга қодир эканлигини ҳали билмайман. Ҳар бир футболчининг имкониятларидан максимал даражада фойдаланишга ҳаракат қиляпмиз”, - дейди Монтелла.