"Наполи" президенти Кулибалини сотишни истамади
Италиянинг “Наполи” клуби ортда қолган ёзги трансферлар даврида ҳимоячиси Калиду Кулибали борасида “Манчестер Сити”дан жиддий таклифлар олган.
La Gazzetta dello Sport нашри тарқатган хабарга кўра “шаҳарликлар” 26 ёшли сенегаллик футболчи учун 65 млн евро таклиф қилишган. Бироқ, “Наполи” клуби президенти Аурелио де Лаурентис етакчи футболчиларидан бирини сотишни истамаган ва ушбу таклифга рад жавобини берган.
Энг қизиғи, “Манчестер Сити” ҳамда “Наполи” жорий мавсум Чемпионлар лигасида бир гуруҳдан жой олишган.
Фикрлар