"Нефтчи" ўйинига кириш чипталари арзонлаштирилди

Фарғонанинг “Нефтчи” жамоаси Суперлиганинг 6-турида “Бухоро” клубини қабул қилади.

“Истиқлол” марказий стадиони маркетинг хизмати берган маълумотга кўра, мазкур ўйиндан бошлаб кириш чипталари арзонлаштирилди. Бу ҳақда клуб матбуот хизмати хабар бермоқда. Яъни ўйингоҳнинг марказий секторлари 10 000 сўмдан бўлса, бошқа секторлар 7 000 сўмдан белгиланди.

Эслатиб ўтамиз, 12 апрель куни мазкур стадионда “Нефтчи” – “Бухоро” беллашуви бўлиб ўтади. Ўйин соат 20:00да бошланади