Новак Жокович: Денис ажойиб ўйин билан ҳаққоний ғалабага эришди
Австралия очиқ чемпионатининг амалдаги ғолиби Новак Жокович чемпионлик унвонини ҳимоя қила олмади. Бу йилги мусобақанинг иккинчи даврасида сербиялик теннисчи Ўзбекистон вакили Денис Истоминга беш сет натижасига кўра имкониятни бой берди.
Ўйиндан сўнг Новак Жокович ўзбекистонлик ракетка устаси ундан ҳар жиҳатдан устунлик қилганини тан олди.
- Дениснинг кучини тан олиш лозим, - деди Новак Жокович. - У ажойиб ўйнади ва ҳаққоний ғалабага эришди. Шубҳасиз, у ўйиннинг асосий компонентларида мендан устун эди.
Мағлубиятни тан олиш, албатта марднинг иши. Биз ўзбекистонлик мухлислар номидан Денис Истоминни тарихий ғалаба билан табриклаб, Новак Жоковичнинг келаси ишларида омад тилаймиз.
Фикрлар