ОЧЛ. Аҳмедовнинг жамоаси "бир оёғи билан" 1/8 финалда

Бугун ОЧЛ 4-тур ўйинлари давом эттирилди. Ҳамюртимиз Одил Аҳмедов фаолият олиб борадиган Хитойнинг "Шанхай СИПГ" клуби Жанубий Кореяда "Ульсан Хёнде" меҳмони бўлди.

Мазкур беллашувда Хитой клуби 50-дақиқада Элкесон томонидан киритилган ягона гол эвазига 3 очкога эга чиқадиган бўлди.

Аҳмедов ўйинни заҳира ўриндиғида бошлади ва иккинчи бўлим аввалида майдонга тушди. Бугунги ғалабадан сўнг "Шанхай СИПГ"нинг очколари сони 10 тага етди ва жамоа энг яқин таъқибчиларини 5 очкога ортда қолдирган ҳолда деярли плей-офф масаласини ҳал этди.

ОЧЛ. 4-тур

"Ульсан Хёнде" (Жанубий Корея) - "Шанхай СИПГ" (Хитой) 0:1 (0:0, 0:1)

Гол: Элкесон (50)