Одил бош совринни кўзламоқда
Қозоғистоннинг Актобе шаҳрида теннис бўйича ўсмирлар ўртасидаги халқаро турнирда ҳамюртимиз Одил Каримов ғалабали одимларини давом эттирмоқда.
Истеъдодли теннисчимиз яккалик беллашувларининг дастлабки босқичида россиялик Никита Скибинскийни 6:0, 6:2 ҳисобида мағлубиятга учратган эди. Одил иккинчи даврада мезбонлар вакили Сундет Нагиметов билан рақобатлашди. Бу баҳсда ўзбек теннисчиси 7:6, 6:1 ҳисобида устун келди.
Энди Одил Каримов ярим финалга чиқиш учун россиялик Раил Ибрагимов билан ўйнайди.
Одил Каримов халқаро турнирнинг жуфтлик беллашувларида россиялик Акшин Мехтиев билан ярим финалга чиқди. Бу икки теннисчи чорак финал босқичида Россия вакиллари - Алибек Качмазов ва Клим Козиревни 6:2, 6:3 ҳисобида енгди.
Фикрлар