480 0

 

Хабарингиз бор, 14-16 июнь кунлари олий лига 13-тур ўйинлари ўтказилди.

3 кун бўлиб ўтган 13-тур учрашувлари бизга бир қатор эътиборга молик бўлган ўйинларини тақдим этди. Жумладан, “Навбаҳор” Жиззахда “Сўғдиёна”га 2:1 ҳисобида мағлуб бўлди. Бу билан наманганликлар 2006 йилдан бери давом этаётган ғалабасиз сериаларини давом эттиришган бўлса, “Динамо” Фарғонадаги нохуш анъанага барҳам берди. Яъни, самарқандликлар “Нефтчи”ни ўз майдонида 2:3 ҳисобида таслим этди. “Динамо” 16 йил деганда Фарғонада зафар қучди.

Энди эса SPORTS.uz сайти ҳар доимгидек эътиборингизга ушбу тур баҳларига ташриф буюрган мухлислар статистикаси билан таништириб ўтади.

Ўн учинчи турда стадионларимизга 32399 томошабин ташриф буюрди. Бу ўртача бир ўйинга 4049.9 мухлис келди дегани. Турнинг марказий ўйини ҳисобланган “Бунёдкор” - “Қўқон-1912” баҳсини 1912 ишқибоз бевосита ўйингоҳдан кузатиб борди. Бу натижа “қалдирғочлар” учун яхши кўрсатгич ҳисобланади. Энг кўп томошабин эса Бухородаги “Бухоро” – “Локомотив” баҳсига келган -12458.

Энг кам мухлис борасидаги статистика доимгидек Тошкент клубига тегишли. “Обод” – “Металлург” учрашувини 253 ишқибоз стадиондан кузатиб борди холос.

Қуйида ушбу турдаги ўйинларга қанча томошабин келганини билиб олишингиз мумкин.

«Бухоро» (Бухоро) – «Локомотив» (Тошкент) – 1:2. 12458 томошабин.

«Қизилқум» (Навоий) – «Машъал» (Муборак) – 2:0. 7618 томошабин.

«Шўртан» (Ғузор) – «Насаф» (Қарши) – 1:2. 4112 томошабин.

«Олмалиқ» (Олмалиқ) – «Пахтакор» (Тошкент) – 2:0. 2707 томошабин.

«Бунёдкор» (Тошкент) – «Қўқон-1912» (Қўқон) – 2:1. 1912 томошабин.

«Сўғдиёна» (Жиззах) – «Навбаҳор» (Наманган) – 2:1. 1711 томошабин.

«Нефтчи» (Фарғона) – «Динамо» (Самарқанд) – 2:3. 1628 томошабин.

«Обод» (Тошкент) – «Металлург» (Бекобод) – 1:4. 253 томошабин.

«SPORTS.uz» сайтида чоп этилган материаллардан нусха кўчириш, тарқатиш ва бошқа шаклларда фойдаланиш фақат таҳририят ёзма розилиги билан амалга оширилиши мумкин.

ТАҲРИРИЯТ ҲАҚИДА

Гувоҳнома: №1002. Муассис: «RENDER SYSTEMS» МЧЖ.

Таҳририят манзили: 100047, Тошкент шаҳри, Истиқбол кўчаси, 15-уй.
Электрон манзил: info@sports.uz.
Телефон: +998 71 233-78-98