Осиё кубоги-2019 саралаш баҳсларига қуръа ташланди (фото)
БААнинг Абу-Даби шаҳрида 2019 йили бўлиб ўтадиган Осиё кубоги баҳсига қуръа ташлаш маросими бўлиб ўтди. Мазкур босқичда 24 жамоадан 12 таси Осиё Кубоги-2019 финал босқичига йўлланма олиш учун саралаш босқичидан ўтади. Саралаш баҳслари жорий йилнинг 28 март куни старт олиб, 2018 йилнинг 27 мартида якунига етади.
Эслатиб ўтамиз, Эрон, Жанубий Корея, Ўзбекистон, Сурия, Қатар, Хитой, Саудия Арабистони, Япония, Австралия, БАА, Ироқ ва Таиланд терма жамоалари ЖЧ-2018 турнирига иккинчи саралаш босқичидан муваффақиятли ўтиб, Осиё Кубоги-2019 финал босқичига йўлланмани қўлга киритган эди. Айни дамда ушбу термалар Осиё қитъасида ЖЧ-2018 учинчи саралаш босқичида иштирок этишмоқда.
Шунингдек, кеча ушбу маросимда Осиё Кубоги–2019 турнирининг расмий логотопи намойиш этилди.
Мусобақа логотипида 2019 йилги Осиё Кубоги мезбони бўлмиш БААнинг давлат байроғи – қора, яшил, қизил ва оқ ранглардан фойдаланилган. Рангли ленталар ўзаро боғланган ҳолда БААдаги еттита амирлик рамзи сифатида олтибурчак шаклида ясалган.
Маълумот учун: Осиё Кубоги-2019 турнири 5 январь – 1 февраль кунлари БААнинг Дубай, Абу-Даби, Ал-Айн ва Шаржа шаҳридаги стадионларда бўлиб ўтади.
Фикрлар