Ўзбекистон ФИФА рейтингида 5 поғона йўқотди

Халқаро футбол федерацияси (ФИФА) ташкилотга аъзо терма жамоаларнинг янгиланган рейтингини эълон қилди. Унга кўра, Ўзбекистон миллий терма жамоаси 511 очко билан 69-поғонага жойлашди.

Терма жамоа аввалги кўрсаткичга нисбатан 5 ўринга пастлади ва ОФКга аъзо мамлакатлар орасида 7-ўринни эгаллади. Эрон терма жамоаси 865 очко билан Осиёда пешқадамлик қилмоқда.

Кучли учликдан Япония (737) ва Австралия (662) терма жамоалари жой олди. Қуйида ОФКга аъзо мамлакатларнинг ТОП-10 лиги билан танишиш мумкин.

1 (25). Эрон – 865 очко;

2 (40). Япония – 737 очко;

3 (50). Австралия – 662 очко;

4 (51). Жанубий Корея – 659 очко;

5 (53). Саудия Арабистони – 641 очко;

6 (62). Хитой – 564 очко;

7 (69). Ўзбекистон – 511 очко;

8 (72). БАА– 480 очко;

9 (75). Сурия – 465 очко;

10 (85). Қатар – 406 очко.

Германия терма жамоаси 1606 очко билан ФИФА рейтингида яна пешқадамликни қўлга олди. Бразилия 1590 очко билан иккинчи ўринга пастлади. Кучли учликка Португалия термаси (1386) якун ясаб берди.