O‘zbekistonlik hakam "Ozodi" stadionidagi o‘yinda ishlaydi

O‘zbekistonlik FIFA referisi Valentin Kovalenko OFK tomonidan OChL–2017 turniri nimchorak finalidan o‘rin olgan “Persepolis” (Eron) – “Lahviya” (Qatar) uchrashuviga bosh hakam etib tayinlandi, deb xabar bermoqda O‘FF matbuot xizmati.   

• OChL–2017. Aziz Asimov Janubiy Koreyadagi o‘yinni boshqaradi 

Mazkur uchrashuvda o‘zbekistonlik hakamga qanotlarda Ma’mur Saidqosimov va Husniddin Shodmonov yordam beradi. Zaxira hakami vazifasi Sherzod Qosimovga yuklatildi. Uchrashuv komissari – Adam David Mark (Avstraliya). Falastinlik Maykl Hanania hakamlar nazoratchisi bo‘lib ishlaydi.

“Persepolis” va “Lavhiya” klublari o‘rtasidagi uchrashuv 24 may kuni Eron poytaxti Tehron shahridagi “Ozodi” stadionida bo‘lib o‘tadi.