ПСЖ футболчиси АПЛ клубига кўчиб ўтади

Франциянинг ПСЖ клуби ярим ҳимоячиси Гжегож Криховяк фаолиятини Англия Премьер-Лигасида давом эттиради, дея хабар бермоқда “The Guardian” нашри.

27 ёшли футболчи “Вест Бромвич Альбион” жамоасига ижара асосида ўтиши кутилмоқда.

Маълумот учун, парижликлар полшалик футболчини ўтган йили “Севилья”дан 30 млн еврога сотиб олган эди. Бироқ футболчи ўзини ПСЖда ўйнаб кета олмади ва асосан ёшлар жамоасида тўп сурди.