Пакьяони нокаут қилган Маркес яна жангга чиқишдан қўрқди
Top Rank промоутерлик компанияси раҳбари Боб Арум тўрт вазн бўйича собиқ жаҳон чемпиони Хуан Мануэль Маркес (56-1-7, 40 КО) WBO чемпиони Мэнни Пакьяо (59-2-6, 38 КО) билан бешинчи маротаба жанг қилиш таклифини кескин рад этганини маълум қилди.
- Маркес юристи билан келди, - деди Боб Арум. - У биздан 100 миллион доллар сўрагани йўқ. Ҳеч қандай пул эвазига Мэнни билан жанг қилмаслигини айтди. Чунки Маркес учун бу жанг қизиқ эмас экан.
Мэнни Пакьяо илк марта Хуан Мануэль Маркес билан 2004 йил жанг қилган ва беллашувда дуранг қайд этилган. 2008 ва 2011 йиллардаги учрашувда филиппинлик боксчининг қўли баланд келган. 2012 йилги тўртинчи жангда мексикалик боксчи рақибини нокаутга туширган.
Фикрлар