Пара атлетика бўйича Ўзбекистон чемпионати якунланди

22 август, 17:37 139

Пара атлетика бўйича Ўзбекистон чемпионати якунланди

Ўзбекистон Миллий Паралимпия Ассоциацияси томонидан 21-22 август кунлари Тошкент шаҳрида пара-атлетика бўйича Республика чемпионати ўтказилди.

Чемпионатда юртимизнинг барча ҳудудлардан 150 дан ортиқ спортчи ғолиблик учун баҳслашди. Ўзбекистон Миллий Паралимпия Ассоциацияси томонидан ташкил этилган ушбу чемпионатни ўтказишдан кўзланган асосий мақсад истеъдодли ѐш спортчиларни саралаб олиб, келгуси йили Индонезиянинг пойтахти Жакарта шаҳрида бўлиб ўтадиган Пара Осиѐ ўйинларида муносиб иштирок этиш ҳисобланади.

Шиддатли баҳсларга бой ўтган мусобақаларда пара атлетиканинг найза, диск, ядро улоқтириш, узунликка сакраш ҳамда 100-200-400-800 метр масофага югуриштурлари бўйича спортчилар муносиб иштирок этишди.

Икки кун давом этган чемпионатда юртимизнинг 14 та ҳудудидан иштирок этган паралимпиячилардан умумжамоа ҳисобида 1 ўринни Тошкент шаҳри (12та олтин, 6та кумуш, 5та бронза), 2 ўринни Тошкент вилояти (10та олтин, 7та кумуш, 1та бронза) ҳамда 3 ўринни эса Фарғона вилояти (8та олтин, 4та кумуш, 11та бронза) спортчилари ғолиб бўлиб, совринли ўринларни қўлга киритишди.

Чемпионат ғолиб ва совриндорлари ташкилотчилар томонидан муносиб рағбатлантирилди. Совринли ўринларни эгаллаган спортчиларга Ўзбекистон Миллий Паралимпия Ассоциацияси эсдалик совғалар билан тақдирланди