Пато: "Милан" - абадий юрагимда

Хитойнинг "Тяньжинь Цюаньжянь" клубининг бразилиялик ҳужумчиси Алешандре Пато бир вақтлар ёрқин портлаган жамоаси, "Милан" клубини ёдга олди.

• Пато Хитойга кетди

– “Милан” сафида тўп сурган вақтларим ҳаётимнинг энг ажойиб даврлари эди. Бир неча йил менда ҳаммаси ажойиб тарзда ўхшаб келаётганди. Аммо орадан вақт ўтгач, ишларим орқага кета бошлади. Мен ўзимга бўлган ишончни йўқотдим ва Бразилияга қайтишга қарор қилдим. Ҳар қандай ҳолатда “Милан” менинг юрагимда қолади, мен бу клубга энг яхши тилакларимни тилайман, – дейди футболчи Football Italia нашрига берган интервюсида.

Қайд этиш лозим, Пато 2007-2012 йиллар оралиғида “россонеррилар” шарафини ҳимоя қилган ва 117 ўйинда майдонга тушиб, 51 та голга муаллифлик қилган.