Пато Хитойга кетди
Бразилиянинг машҳур футболчиларидан бири Алишандре Пато "Тяньцзинь Цюаньцзянь" жамоаси билан шартнома имзолаш учун Хитойга кетди.
Хитойнинг бу жамоаси Пато ўйнаётган "Вильярреал" жамоасига 18 миллион евро тўлайди. Айни пайтда Испания чемпионатидаги ўйинлари эвазига йилига 2 миллион евро миқдорида маош олаётган бразилиялик чарм тўп устаси энди 6,5 миллион евро ишлайди.
Ўз вақтида "Челси", "Милан", "Сан-Паулу", "Интернасьонал" ва "Коринтианс" жамоаларида ўйнаган Пато "Вильярреал" таркибига ўтган йили ёзда қўшилган эди. Жорий мавсумда Ла лигада 14 та ўйин ўтказган футболчи иккита гол ҳам урди.
Комментарии