"Paxtakor" klubi Slovakiya chempionati peshqadami bilan o‘ynaydi

Xabaringiz bor, 2017 yilgi mavsumiga tayyorgarlik ko‘rayotgan Toshkentning Paxtakor klubi 8 yanvar kuni yilning birinchi nazorat uchrashuvini «Qo‘qon-1912»ga qarshi o‘tkazdi va 2:1 hisobida zafar quchdi.

15 yanvarda esa «sherlar» xorij yig‘in o‘tkazish uchun BAAga yo‘l oladi. 15 kun davom etadigan mashg‘ulotlar davomida “ Paxtakor ” xorijiy jamoalar bilan bir nechta nazorat uchrashuvlari o‘tkazish borasida kelishib olganlar.

• “Paxtakor” yanvarda Turkiya va fevralda BAAda yig‘in o‘tkazadi

Dastlabki uchrashuvda ular Rossiya premer ligasi a’zosi Krasnodarga qarshi maydonga chiqishadi. Bu uchrashuv 25 yanvar kuni Dubaydagi «NYU AUH» arenada o‘tkaziladi.

• “Krasnodar” “Paxtakor” bilan o‘rtoqlik o‘yini o‘tkazadi

Ikkinchi uchrashuvda esa, Paxtakor klubi 27 yanvar kuni Slovakiya Super ligasi peshqadami “Jilina” bilan kuch sinashadi.

Ma’lumot o‘rnida, “Jilina” klubi 2016-2017 yilgi Slovakiya Super ligasining 19-turidan so‘ng 50 ochko bilan turnir jadvalida karvonboshilik qilmoqda.