Пике ва Рамос ўзаро бизнес ҳамкор бўлишлари мумкин

Испания терма жамоаси аъзолари Херард Пике ва Серхио Рамос ўзаро ҳамкорликда бизнес лойиҳасини амалга оширишмоқчи. Marca нашрининг хабар беришича бу икки футболчи спорт интернет-ресурсини яратишмоқчи.

Ушбу сайтда профессионал спортчилар журналистлар билан бўладиган мулоқотдан қочган ҳолда, ўз мақолаларини чоп этишлари мумкин. Айтиш лозимки, бундан аввалроқ Пике испан матбуотидан норози эканлиги ҳақида айтиб ўтган эди.

Эслатиб ўтамиз, “Барселона” ҳимоячиси терма жамоа лагерида Рамос билан жанжаллашгани ҳақидаги хабарни ҳам мутлақо ёлғон деб атаган эди.