Қилмиш қидирмиш: “Арсенал” бош мураббийига айблов қўйилди

Англия футбол уюшмаси (FA) Лондоннинг “Арсенал” жамоаси бош мураббийи Арсен Венгерга нисбатан айблов эълон қилиди. Бу ҳақда Daily Mail хабар бермоқда.

Мураббий “Бёрнли”га қарши (2:1) Англия чемпионати 22 -тур учрашувининг қўшиб берилган дақиқаларда ўз жамоаси дарвозаси томон белгиланган пенальтига норозилик билдирган эди. Натижада Венгер майдондан четлатилди.

Трибуна ости хоналарига кириб кетаркан мураббий захира ҳаками Энтони Тейлорни туртиб юборди, аммо кейинроқ франциялик мутахассис бу қилмиши учун узр сўради.

Маълум бўлишича, мураббий 26 январь куни айбловга жавоб бериши керак бўлади.