“Қўқон-1912” – “Шўртан”. Устунлик қўқонликлар томонида

Эртага “Қўқон-1912” жамоаси ўз майдонида “Шўртан”га қарши майдонга тушади. Қўқонликлар матбуот хизмати анъанага кўра ўйин олдидан учрашувга доир статистик маълумотларни тақдим қилди .

Олий лигадаги олтинчи учрашув

“Қўқон-1912” ҳамда “Шўртан” клублари олий лигада бугунга қадар беш марта тўқнаш келишган. Ўйинларнинг тўрттасида вакилларимиз ғалаба қозонган бўлса, битта баҳсда ғолиб номи аниқланмаган. Тўплар нисбати – 13:7 жамоамиз фойдасига. Ўзаро ўйинларда қўқонликлар 13 очкога эга бўлишган. Ғузорликларнинг бу борадаги кўрсаткичи 1 очкога тенг.

2015 йили 16 май куни Қўқон шаҳрида бўлиб ўтган ўйинда қўқонликлар 2:1 ҳисобида ғалаба қозонишган. 2016 йили 26 июнь куни “Марказий” ўйингоҳда ўтказилган баҳсда “Қўқон-1912” рақибини 4:2 ҳисобида доғда қолдиришган.

• “Қўқон-1912” – “Шўртан” учрашувини Азиз Асимов бошқариб боради 

Олий лига, 23-тур

«Қўқон-1912» (Қўқон) – «Шўртан» (Ғузор)

Ҳакамлар: А. Асимов (Тошкент), Р. Фозилов (Наманган), М. Мажидов (Наманган), Б. Юльчараев (Гулистон)

Назоратчи: Р. Серазетдинов (Тошкент).

ЎзПФЛ вакили: Г. Ртвеладзе.

Бошланиш вақтлари

“Қўқон-1912” – “Шўртан” жамоалари ўртасидаги баҳс, шанба куни, соат 16:00 да бошланадиган бўлди.

Ушбу жамоаларнинг ўринбосарлар таркиблари ўртасидаги учрашув эса бугун соат 15:30да старт олади. Ҳар иккала ўйин ҳам Қўқондаги “Марказий” стадионида бўлиб ўтади.