Раньери: Агар Мбаппе шу руҳда ўсишда давом этса, албатта "Олтин тўп"ни қўлга киритади
“Нант” клуби бош мураббийи Клаудио Раньери Франция чемпионатининг 20-турида бўлиб ўтадиган ПСЖга (14 январь) қарши баҳсдан олдин рақиб жамоа ҳужумчиси Килиан Мбаппе ҳақида илиқ фикрларни билдириб ўтди.
“Мбаппе буюк. Агар у ҳудди шу руҳда ўсишда давом этса, албатта “Олтин тўп”ни олади. Мен жиддий айтяпман. Унинг ёшида француз футболчиларидан фақатгина Тьерри Анри ҳудди шундай ўйин кўрсатган”, - дейди италиялик мутахассис.
Маълумот учун, Мбаппе жорий мавсум Лига-1да жами 15та учрашувда иштирок этиб, ўз ҳисобига 8та гол ҳамда 8та голли узатма ёздириб қўйишга эришган.
Фикрлар