Расман: Алишер Шоғуломов "Бухоро" аъзосига айланди

“Бухоро” кеча яна бир ҳужумчи билан расмий келишувга эришди. Жамоа кўригида бўлиб турган Алишер Шоғуломов “Бухоро” билан шартнома тузди.

1994 йилда тавваллуд топган ҳужумчи Тошкентнинг “Локомотив”, “Олмалиқ”, “Андижон” ва “Обод” клубларидаги фаолияти билан мухлисларга яхши таниш бўлиб улгурган. Бундан ташқари Шоғуломов 23 ёшгача бўлган Ўзбекистон терма жамоаси сафида ҳам ҳаракат қилган.

Бугун “Сўғдиёна”га қарши кечган назорат баҳсида Алишер Шоғуломов ғалаба келтирган иккинчи голга муаллифлик қилди ва “Бухоро” сафида илк голини нишонлади.