Расман! Шавкат Саломов “Атирау” билан шартнома имзолади
“Бухоро” клубининг собиқ футболчиси Шавкат Саломов фаолиятини Қозоғистон чемпионатида давом эттирадиган бўлди.
SPORTS.uz интернет ахборот порталига маълум бўлишича, 31 ёшлик ҳужумкор ярим ҳимоячи Қозоғистоннинг “Атирау” клуби билан шартнома имзолади.
Ҳозирча томонлар қанча муддатга келишувга эришганлири тўғрисида маълумотлар йўқ.
Маълумот ўрнида, Шавкат Саломов Премьер-лигада биринчи марта 2013 йил 9 март куни “Жетису” клубида ўз дебютини нишонлаган. Саломовнинг дастлабки учрашуви меҳмонда “Қайрат”га қарши беллашув бўлганди. Ушбу беллашув 3:3 ҳисобида якунланган. Шавкат Саломов “Жетису” таркибида 27 баҳсда майдонга тушган ва 3 та гол урган.
2014 йил Қарағанданинг “Шахтёр” жамоасида фаолият олиб борган. Ушбу жамоа сафида 28 ўйин ўтказган ва рақиблари дарвозасини 3 бор нишонга олган.
Умумий ҳисобда Саломов Премьер-лигада 55 беллашув ўтказиб 6 бор ўз номини учрашув қайдномасига ёздириб қўйган.
Фикрлар