"Реал" "Барселона"нинг қадимий рекордини йўққа чиқаришга тайёрланмоқда
"Реал" жамоаси сўнгги 39 та учрашувда узлуксиз гол уриб келмоқда. Мадридликлар Испания чемпионатининг ўтган турида "Осасуна" дарвозасини ҳам уч бор нишонга олди.
Узлуксиз гол уриш бўйича энг узоқ давом этган серия "Реал"нинг ашаддий рақиби "Барселона"га тегишли. Каталонияликлар 1942-1943 ва 1943-1944 йилги мавсумларда кетма-кет 44 тадан учрашувда гол киритишга муваффақ бўлди.
Бунгача "Реал" футболчилари бу рекордни янгилашга уч маротаба яқин келганлар. мадридликларнинг голли сериялари Жозе Моуриньо, Лео Беенхаккер ва Хуан Антонио Ипинье бошқарган даврларда қаторасига 41 учрашувда рақиб дарвозасини аниқ нишонга олган.
Зинедин Зидан шогирдлари "Барселона" рекордини такрорлаш учун "Наполи", "Эспаньол", "Валенсия", "Вильярреал" ва "Эйбар" дарвозаларини ишғол қилиши керак. Шундай бўлган тақдирда "Реал" Европа чемпионлар лигасида "Наполи" билан 7 март куни бўладиган жавоб ўйинида гол киритган тақдирда янги рекорд ўрнатган бўлади.
Фикрлар