"Реал"да можаро кучаймоқда ёхуд танқидга чидолмаган Роналду мухлисларни сўкди
"Реал" мухлислари ва жамоа етакчиси Криштиану Роналду ўртасидаги салбий муносабатлар тобора ёмонлашиб бормоқда.
Гарчи Роналду Испания чемпионатининг 20-туридан олдин мухлислардан жамоани қўллаб-қувватлашни сўраган бўлса-да, "Реал Сосьедад"га қарши ўйин вақтида бунинг акси кузатилди ва мухлислар Карим Бензема, Данилу ва Криштиану Роналдунинг ўзига хуштакбозлик қилишни тўхтатишмади.
Учрашув давомида Криштиану Роналду гол урган бўлса-да, вазиятлардан бирида тўпни йўқотди. Бунга мухлислар хуштаклар орқали эътироз билдиришди. Шу пайт Роналдунинг асаблари дош бермади ва у мухлисларнинг ишига ҳақоратлар билан жавоб қайтарди.
Ҳозир ўртадаги муносабат тобора ёмонлашиб бормоқда. Мухлислар орасида Криштиану Роналдуни жамоадан кетишини талаб қилаётганлар ҳам кўпайиб бораётир.
Фикрлар