"Реал"нинг уч футболчиси машғулотларга қайтди

Мадриднинг “Реал”  клуби аъзолари Карим Бензема, Марсело ва Тео Эрнандес жароҳатларидан фориғ бўлиб, машҳулотларга қайтишди.

Бразилиялик ҳимоячи сентябрь ойида чап оёқ мушакларини шикастлаганди. Тео эса елкасидаги жароҳати боис жамоанинг асосий гуруҳи билан машғулотларда қатнаша олмаганди. 

Карим Бензема эса ўйинлардан бирида жароҳат олиб, сафдан чиққанди. Айни дамда уччала футболчи ҳам “Реал”нинг сўнгги машғулотида иштирок этди.

Маълумот учун, Даниэль Карвахаль, Матео Ковачич ва Гарет Бэйл ҳамон жароҳатдан тикланиш жараёнини ўтказмоқда.