Ривалдо: "Реал"ни ҳам ютса бўлади, "Ювентус" буни кўрсатиб қўйди

Каталониянинг “Барселона” ва Тошкентнинг “Бунёдкор” клуби собиқ ҳужумчиси Ривалдо “Барселона” ва “Реал”нинг ЕЧЛ чорак финалида кўрсатган ўйинлари ҳақида тўхталиб ўтди.

“Бўлиб ўтган воқеалар жуда қизиқарли кечди. Ўзим “Барселона”да ўйнаганим учун ушбу клуб мухлисиман ва табиийки мағлубиятдан жуда хафа бўлдим.

Амммо, бу ўйинлар бошқа жамоаларнинг кучи қай даражада эканлигини ва футбол фақатгина “Реал” ва “Барселона”дан иборат эмаслигини кўрсатиб қўйди.

“Реал” ҳам мусобақадан чиқиб кетиши мумкин эди. Бу ҳолат футбол учун жуда яхши. Ушбу ўйинларда кўриш мумкинки, “Реал”ни ҳам ютса бўлади. Буни “Ювентус” кўрсатиб қўйди. Шу боис “Реал”ни ЕЧЛ ғолиби дея айтишга ҳали эрта”, - дейди бразилиялик футбол афсонаси.