Роббен "Бавария"нинг "Реал" тўсиғидан ўтишига ишонмоқда
Мюнхеннинг "Бавария" клуби ҳужумкор ярим ҳимоячиси Арьен Роббен бугун бўлиб ўтадиган ЕЧЛ ярим финалидан ўрин олган “Реал”га қарши баҳс олдидан ўз фикрларини билдириб ўтди.
“Биз “Реал”га қарши ўйинларда катта тажрибага эгамиз. Бу тенг кучли жамоаларнинг кураши бўлади. Бизнинг жамоамиз айни дамда яхши формада ва биз бундан унумли фойдаланишимиз лозим. Энг муҳими биз бугун ўз майдонимизда, мухлисларимиз қаршисида тўп сурамиз. Ўйлайманки бугун ажойиб ўйин бўлади.
Ўтган мавсум биз рақибга имкониятни бой берган эдик. Бу сафар бундай бўлмайди. “Бавария” исталган рақибни мағлуб этиши мумкин. Жумладан “Реал”ни ҳам”, - дейди голландиялик футболчи.
Эслатиб ўтамиз, “Бавария” ҳамда “Реал” жамоалари ўртасидаги баҳс бугун Тошкент вақти билан соат 23:45да бошланади.
Фикрлар