Роналду: Кўпчилик 33 ёшда фаолиятни якунлаш керак деб ҳисоблайди, лекин мен бошқалардек эмасман

Португалиялик ҳужумчи Криштиану Роналду “Ювентус”га кўчиб ўтгач ўзининг илк фикрларини билдириб ўтди.

“Менда жисмонан ҳам, руҳан ҳам барчаси жойида. Бу ерда эканлигимдан фахрланаман ва бу менга жиддий куч бермоқда.

Биламан, кўпчилик 33 ёшда фаолиятни якунлаш керак деб ҳисоблайди, лекин мен бошқалардек эмасман. Мен бошқачаман.

Айни дамда мен учун ҳам, клуб учун ҳам ҳиссиётларга бой лаҳзалар содир бўлмоқда. Мен бу ерга таътилга келганим йўқ. Мен ҳаммани ҳайрон қолдириб, “Ювентус” тарихига кирмоқчиман. Ҳаммаси яхши бўлишига ишонаман”, - дейди португалиялик беш карра “Олтин тўп” соҳиби.