Роналду ва Кроос рекордчига айланишди

Хабарингиз бор кеча Мадриднинг “Реал” клуби Бирлашган Араб Амирликларида бўлиб ўтган 2017 йилги клублар ўртасидаги жаҳон чемпионати финалида Бразилиянинг “Гремио” клубини 1:0 ҳисобида мағлубиятга учратиб, кетма-кет иккинчи марта жаҳон чемпиони деган номни қўлга киритди.

Эътиборлиси, “қироллик клуби”нинг икки аъзоси – Криштиану Роналду ҳамда Тони Кроос ушбу мусобақада ғолиб чиқиш бўйича рекордчиларга айланишди. Ушбу иккала футболчи фаолияти давомида клублар ўртасидаги жаҳон чемпионатида 4 мартадан зафар қучишган.

Кроос ушбу совринларнинг 3тасини “Реал”да қўлга киритган бўлса, қолган 1тасини “Бавария” сафида олган. Роналду ҳам ҳудди Кроос сингари 3та чемпионликни “Реал”да тантана қилган, қолган 1тасини эса “Манчестер Юнайтед” сафида қўлга киритган.