Санжар финалда ўйнайди
Қозоғистондаги "Фьючерс" турнирида ҳамюртимиз Санжар Файзиев жуфтлик беллашувларида финалга чиқди.
Мусобақада қозоғистонлик Тимур Хабибулин билан ҳамкорликда ўйнаётган Санжар Файзиев дастлабки икки учрашувда Чехия вакиллари Марек Генгел ва Томаш Папикни 6:4, 7:6, россиялик Маркос Каловелонис ва Денис Матсукевични 7:6, 4:6, 10:4 ҳисобида мағлубиятга учратган эди.
Ярим финал баҳсида Санжар ва Тимур нидерландиялик Нилс Лутсма ҳамда Ботик ван де Зандшулп билан рақобатлашди. Европалик теннисчилар фақат биринчи бўлимда жиддий қаршилик кўрсатди. Бироқ, биринчи сетда ҳамюртимиз ўз шериги билан 7:6 ҳисобида устун келшач, иккинчи партиядаги ғалаба нисбатан осон қўлга киритилди - 6:3.

Санжар Файзиев ва Тимур Хабибулин янги мавсумдаги дастлабки финал учрашувида украиналик Владислав Манафов ва россиялик Александр Повлюченковга қарши кортга чиқади.

Изоҳлар (0)