Шин Таэ Йонг: Биз энди Россиядаги мундиалга тайёргарликни бошлаймиз

Бир неча дақиқа олдин Ўзбекистон – Жанубий Корея баҳси бўлиб ўтди. Учрашувдан сўнг меҳмонлар устози Шин Таэ Йонг ўйин борасида ўз фикрлари билан ўртоқлашди.

- Биз ЖЧга йўлланмани қўлга киритдик. Бундан жуда хурсандман. Бизни қўллаб турган мухлисларимизга раҳмат айтаман. Биз ўйин тугашини билдирадиган ҳакамнинг ҳуштаги чалингунча ҳаракат қилдик. Россиядаги мундиалга йўлланмани қўлга киритганимиздан мамнунман.

Бизни олдимизда чемпионат учун 9 ой бор. Бу вақт давомида яхши тайёргарлик кўрамиз. Ўзбекистон миллий терма жамоаси футболчилари ҳам яхши ҳаракат қилишди. Аммо... Ўзбекистонни иккинчи бўлимга толиққанини сездим.  

Эрон терма жамоаси биз учун энг ноқулай ва мураккаб рақиб. Улар билан учрашувларда қийинчиликларга дуч келамиз.

Биз Ўзбекистонга қарши ўйин олдидан эҳтиёткорликни унутмасликни биринчи ўринга қўйгандик. Чунки уларни ғалабадан бошқаси қониқтирмайди. Шу боис ўйиндан келиб чиққан ҳолда ҳаракат қилишимиз керак эди, - дейди Жанубий Корея термаси бош мураббийи.