Шомуродов “Ростов”даги илк голларини Галиулин тўп тепадиган жамоага киритди

Бугун Россия Премьер-лигасида 28-тур ўйинлари давом эттирилди. Элдор Шомуродов фаолият олиб борадиган “Ростов” жамоаси Вагиз Галиулин тўп тепадиган “Тосно”ни қабул қилди.

Муҳташам  ва кўркам “Ростов-Арена” стадионида кечган қарама-қаршиликда мезбонлар 2:0 ҳисобидаги ғалабани қўлга киритишди. Эътиборлиси, учрашувда киритилган ҳар иккала голга Шомуродов муаллифлик қилди.

Бу 2017 йилнинг июн ойидан  буён “Ростов” сафида тўп тепаётган Элдор учун жамоа сафидаги илк голлари бўлди.

Ҳар иккала ҳамюртимиз тўлиқ 90 дақиқа ўйнаганлигини  қўшимча қилиш жоиз.

Россия Премьер-лигаси. 28-тур

Ростов – Тосно 2:0 (0:0, 2:0)

Голлар: 1:0 – 67 Шомуродов, 2:0 – 72 Шомуродов.

Ростов – Абаев, Ингасон, Сигурдссон, Вилюш, Скопинцев (Зуев, 66), Ионов (Макеев, 79), Калачев, Гацкан, Гулиев (Юсупов, 69), Паршивлюк, Шомуродов.

Тосно – Юрченко, Буйволов, Дугалич, Миюшкович, Макаров, Галиулин, Жигулев, Нуну Роша, Палиенко (Рикардиньо, 74), Полетанович (Карницкий, 81), Труйич (Скворцов, 69).

Огоҳлантиришлар: Макаров (2), Галиулин (35), Гулиев (55), Вилюш (63), Дугалич (68).

Четлатиш: Макаров (26).