Сиднейда сенсация юз берди

10 январь, 12:50 344

 
 
Австралиянинг Сидней шаҳрида аёллар ўртасида ўтказилаётган халқаро турнирда кутилмаган натижалар қайд этилмоқда. Мусобақанинг энг катта сенсацияси жаҳон рейтингининг етакчиси Анжелика Кербер ва россиялик ёш теннисчи Дарья Касаткина ўйинида юз берди.
 
Жаҳон теннисчида етакчилик қилаётган германиялик теннисчи мукофот жамғармаси 710 900 АҚШ доллари бўлган мусобақанинг бош совринига асосий даъвогар эди. Лекин иккинчи босқич учрашувларида Дарья Касаткина бир ярим соатдан кўпроқ давом этган беллашувда машҳур рақибасини 7:6, 6:2 ҳисобида енгди.
 
 
- Мен роса кўп хатога йўл қўйдим, - деди Анжелика Кербер. - Ўйинни ва тўпни ҳис қилолмаганим учун ҳам бугун мағлуб бўлдим.
 
Яна бир кутилмаган натижа учинчи рақамда сараланган словакиялик Доминика Цибулкова ва канадалик ёш теннисчи Эжени Бушар ўртасида бўлди. Бу баҳсда европалик теннисчи 4:6, 3:6 ҳисобида мағлубиятга юз тутди.
 
Қолган учрашувларда қуйидаги натижалар қайд этилди:
 
Анастасия Павлюченкова (Россия) — Светлана Кузнецова (Россия, 5) 7:5 6:3
 
Барбора Стрицова (Чехия) — Роберта Винчи (Италия, 9) 6:2 6:3
 
Каролина Возняцки (Дания, 10) — Юлия Путинцева (Қозоғистон) 6:0 7:5
 
Йоханна Конта (Бу юк Британия, 6) — Дарья Гаврилова (Австралия) 6:1 6:3
 
Дуань Инъин (Хитой, Q) — Коко Вандевеге (АҚШ) 6:3 6:2