Супер Криштиану: Роналду 46 йил давом этган рекордни янгилади

“Реал Мадрид” жамоаси етакичис Криштиану Роналду яна бир ажойиб рекорд соҳибига айланди.

Уч кун аввал “Реал”даги голлари сонини 400 тага етказган портагулиялик футболчи Европа Топ-5 миллий чемпионатлари доирасида энг кўп гол урган футболчига айланди.

32 ёшли футболчи “Сельта”га қарши кечган ва “Реал”нинг 4:1 ҳисобидаги ғалабаси билан якунланган ўйинда дубль муаллифига айланди ҳамда Европа Топ-5 миллий чемпионатлари доирасида урган голларини 368 тага етказиб олди.

Шу тариқа у 46 йил аввал англиялик Жимми Гривс томонидан ўрнатилган ва 366 голдан иборат рекордни ўзиники қилиб олди. Эътиборлиси, Роналду ушбу рекордни қайд қилиши учун Жимми Гривсга нисбатан 68 ўйин камроқ ўтказган.