Тевес овқат емай қўйди
Замонавий футболда энг катта маош олаётган аргентиналик ҳужумчи Карлос Тевес Хитойдаги ҳаётга кўника олмаяпти. Тевес тўп сураётган “Шанхай Шеньхуа” жамоаси бош мураббийи Густаво Пойет аргентиналик тўпурарнинг муаммоалари ҳақида гапириб берди.
- У хитой тилида бирорта сўзни тушунмайди, - деди Густаво Пойет. – Худди мен каби унга ҳам доим таржимон керак. Баъзан олдида таржимон бўлмай қолса, қийин вазиятга тушиб қоляпти. У деярли овқат емаяпти. Яқинда биз Тевес, Гуарин ва Морена бирга ўтирдик. Тевес Хитой таомларини ея олмади.
Карлос Тевеснинг ўзи Аргентинага қайтишни истамоқда. Лекин “Бока Хуниорс” мухлислари катта пул учун жамоани тарк этган супертўпурарни майдонда кўрмоқчи эмас.
Фикрлар