Торрес "Атлетико"га тарихий натижа келтирди
Испания чемпионатининг 21-турида "Леганес" дарвозасини икки маротаба аниқ нишонга олиб, "Атлетико"га 2:0 ҳисобида ғалаба келтирган моҳир ҳужумчи Фернандо Торрес жамоасининг Ла лигадаги 4500-голини урди.
"Атлетико" Испания чемпионатларида 4500 та гол урган тўртинчи клубга айланди. Унгача бу маррани "Реал", "Барселона" ва "Атлетик" клублари забт этган эди.
Шунингдек, Торрес Ла лигада ўтган йилнинг сентябрь ойидан буён давом этиб келаётган голсиз сериясига ҳам барҳам берди. Айни пайтда ҳужумчининг умумий голлари сони тўрттага етди.
Фикрлар