Виктор Кумиков: Анталиядаги йиғинда яна легионерларни кўрикдан ўтказамиз

 

“Олмалиқ” жамоасининг Анталияда ташкил этилган биринчи йиғини якунига етди.

11-25 январь кунлари оралиғида ўтган ўқув-машғулот йиғинида 3та ўртоқлик ўйини ташкиллаштирилди. Машғулотлар кунига икки маҳалдан олиб борилди. Дастлабки хориж йиғини якунлангач, клуб матбуот котиби жамоа бош мураббийи Виктор Кумиковдан бу йиғин хулосалари борасида сухбат ташкил этди.

Дастлабки хориж йиғини ўз якунига етди. Бу йиғиндан кўнглингиз тўлдими?

- Анталиядаги биринчи ўқув-машғулотларимиз режалаштирганимиздек ўтди. Дастлабки кунларда ҳаво бироз совуқ, ёмғирли бўлсада барча машғулотлар ўтказилди. 3та ўртоқлик учрашувида майдонга тушдик. Унда 2 ғалаба ва бир мағлубият қайд этилди. Умумий хулоса қиладиган бўлсак бу йиғинда биз барчасини кўнгилдагидек ўтказа олдик.

Таркиб борасида қандай ўзгаришлар бўлди? Йиғин давомида кўрикка келган легионерлардан маъқул келгани борми?

- Албатта, бу йиғин давомида бир қатор хорижлик футболчилар кўрикда бўлишди. Ҳозирча сербиялик Игорь Йелич билан келишувга эришдик. Унинг майдондаги ҳаракатлари бизга маъқул келди. Қолганлари борасида бир тўхтамга келмадик. Анталиядаги иккинчи йиғинда ҳам кўрик давом этади.

Иккинчи йиғин қачондан бошланади?

- Футболчиларга бир неча кун дам берамиз. Жамоа аъзолари 30 январь куни яна Анталияга етиб келишади. Навбатдаги йиғин 20 февралга қадар давом этади. Бу оралиқда машғулотлар билан бирга 5та ўртоқлик ўйини ўтказамиз. Шундан сўнг жамоа Тошкентга қайтади ва мавсум бошлангунга қадар машғулотлар ўша ерда давом эттирилади.

Фикрлар

Фикр қолдириш учун авторизациядан ўтинг!