Хаби Алонсо "Арсенал"га қарши майдонга тушолмаслиги мумкин

Мюнхеннинг “Бавария” клуби ярим ҳимоячиси Хаби Алонсо эртага бўлиб ўтадиган УЕФА Чемпионлар лигаси 1/8 финал дастлабки учрашувида “Арсенал”га қарши ўйнай олмаслиги мумкин.

Bild нашри тарқатган хабарларга кўра 35 ёшли испаниялик футболчи жамоанинг кечаги машғулотларида жароҳат олган. Унинг жароҳати қандайлиги ва қачон майдонга қайтиши мумкинлиги ҳақида аниқ маълумотлар келтирилмаган.

Маълумот учун, Алонсо ушбу мавсум “Бавария” сафида Бундеслигада 18та учрашувда иштирок этган ва ўз ҳисобига 3та гол ёздириб қўйишга эришган.