Хорн: Пакьяони даҳшатли нокаут кутмоқда

  • 23 январь, 2017, 19:20
  • 0
  • Бокс
Профессионал бокс юлдузи Мэнни Пакьяо (59-6-2, 38КО) шу йилнинг 23 апрель куни Австралияда ташкил этилиши режалаштирилаётган чемпионлик жангида WBO чемпионлик камарини 28 ёшли австралиялик Жефф Хорндан (16-0-1, 11КО) ҳимоя қилади.

Бутун дунёдаги бокс мутахассислари ва мухлислари бу жангда филиппинлик бокс устасининг ғалаба қозонишини таъкидламоқда. Бироқ, австралиялик панчер бўлажак жангда ўз имкониятларига қаттиқ ишонмоқда.

- Мен Пакьяони қулатадиган даражада кучли зарбага эга боксчиман, - деди Жефф Хорн. - Мэнни фаолияти давомида бир неча маротаба нокдаун ва нокаутга учраган. Мен эса жуда бақувват нокаутчиман. Чемпионлик унвонини Австралияга қайтариш учун имкониятларим етарли.

Кўплаб боксчилар Жефф Хорннинг ўзига ишонч билан айтган гапларини жиддий қабул қилгани йўқ.

SPORTS.uz

Фикрлар

Фикр қолдириш учун авторизациядан ўтинг!