Янузай номаълум муддатга сафдан чиқди

Испаниянинг "Реал Сосьедад" клуби ярим ҳимоячиси Аднан Янузай номаълум муддатга сафдан чиқди.

Хабарларга қараганда 22 ёшли бельгиялик футболчи жорий ҳафта УЕФА Европа лигаси гуруҳ босқичи доирасида "Зенит"га қарши баҳс олдидан ҳам ўзини ёмон ҳис қилаётганлигидан шикоят қилган. Учрашувдан сўнг ўтказилган тиббий текширувлар шуни кўрсатдики Янузайда синовял суюқлик миқдори ортиб кетган. Ҳозирча футболчининг қачон сафга қайтиши борасида аниқ маълумотлар йўқ.

Эслатиб ўтамиз, Янузай "Реал Сосьедад"га ўтган ёз "Манчестер Юнайтед" клубидан келиб қўшилган эди.