"Ювентус" "Барселона"га қарши баҳсда етакчиларсиз ўйнайди

Италиянинг “Ювентус” клуби бош мураббийи Массимилиано Аллегри 12 сентябр куни ЕЧЛ гуруҳ  босқичи 1-тури доирасида “Барселона”га қарши кечадиган баҳс олдидан жамоасининг аҳволи ҳақида фикр билдириб ўтди.

“Кьеллини якшанба куни сафга қайтиши лозим. Хедира ва Маркизиолар эса аниқ бу ўйинни ўтказиб юборишади. Сандрода шамоллаш бор. Умид қиламанки, у тезроқ соғайиб кетади. Манжукич “Кьево”га қарши баҳсда оёғидан зарба қабул қилиб олди. Бироқ бу у қадар жиддий эмас.

Куадрадо эса “Реал”га қарши баҳсда қизил карточка олгани учун, ушбу беллашувни ўтказиб юборади. Шундай экан, биз каталонияликларга қарши қандай тактикада ўйнашимизни хали билмайман”, – деб айтиб ўтди Аллегри.