АГМК устозларига Даниядан келган футболчи ёқмади

Хабарингиз бор, Олмалиқнинг АГМК клуби янги мавсум учун тайёргарликни Туркиянинг  Анталья шаҳрида олиб бормоқда.

Жамоа машғулотларига сербиялик ҳужумчи – Марко Радосавльевич келиб қўшилгани борасида хабар берган эдик. Бунга қадар Дания 2-лигасида иштиро этувчи “Аварта” жамоасида тўп сурган легионер АГМКнинг “Политехника” (Руминия) жамоасига қарши кечган баҳсида  майдонга тушди.

Клуб расмий сайтида ёзилишича, унинг ҳаракатлари клуб мураббийлар штабига маъқул келмаган ва жамоа сафини тарк этган.

Қайд этиш жоиз, илгарироқ жамоа машғулотларида иштирко этган Никола Ашчеричга ҳам мураббийлар жавоб бериб юборишган эди.