Ана холос! “Металлург” кўригида иштирок этган Никита Рибкин “Бухоро”га йўл олди

Бир неча кун олдин “Қўқон-1912” собиқ дарвозабони Никита Рибкин “Металлург”да кўрикдан ўтаётгани борасида хабар бериб ўтгандик. Аммо Рибкиннинг Бекободдаги саргузашти узоққа чўзилмади.

Никита Рибкин “Металлург”да кўрикдан ўтмоқда 

SPORTS.uz сайтига маълум бўлишича, ўтган мавсумни Қўқонда ўтказган посбон айни пайтда “Бухоро” кўригида иштирок этяпти.

Ҳозирча, Никита Рибкин нима сабабдан Бекобод клубини тарк этгани борасида маълумотлар йўқ.

Эслатиб ўтамиз, Никита Рибкиннинг “Қўқон-1912” билан тузган шартномаси якунига етганлиги учун жамоани эркин агент сифатида тарк этганди.