Арда Гюлер: "Мен учун қийин мавсум бўлмоқда"

Ла Лиганинг 28-туридан ўрин олган "Реал" - "Сельта" баҳси мадридликларнинг 4:0 ҳисобидаги ғалабаси билан тугади. 

Дастлаб, Винисиус ҳисобни очган бўлса, Гуаита ва Домингеслар ўз дарвозасини ишғол қилиб қўйди. Шунингдек, Гюлер дебют голини ҳам уриб олди. Арда жамоадаги дебют голидан сўнг ўз фикрлари билан ўртоқлашди.

"Биринчи голимни урганимдан жуда хурсандман. Мени қўллаб-қувватлаган барчага раҳмат. Олдинда яна кўп мақсадлар бор ва уларни бажариш учун астойдил ҳаракат қиламан. Мен учун қийин мавсум бўлмоқда, аммо бугунги ўйиндан кейин вазият яхшиланади деган умиддаман.

"Реал" - дунёдаги энг машҳур клуб ва мен қийинчиликларни енгиб ўтиш учун характерга эга эканлигимга ишонаман", - деди туркиялик футболчи.