"Арсенал" "Бордо" футболчиси учун курашмоқда

Лондоннинг “Арсенал” клуни Франциянинг “Бордо” клуби вингери Малком учун курашга киришди. Илгарироқ, унга “Манчестер Юнайтед” ҳамда “Тоттенхэм Хотспур” клублари қизиқиш билдираётгани борасида хабарлар тарқалган эди.

The Times хабарига кўра, “тўпчилар” 20 ёшли футболчининг агенти билан учрашди. “Арсенал” шартномаси тугаётган Алексис Санчеснинг ўрнига айнан бразилиялик футболчини олиб келиши айтилмоқда.

Қайд этиш жоиз, Малком аллақачон инглиз тилини ўрганишни бошлаб юборган. Унинг трансфер суммаси 50 млн еврони ташкил этиши айтилмоқда.