"Барселона" футболчиси яна жароҳатга йўлиқди

“Барселона” клуби ҳимоячиси Томас Вермален кеча “Бетис”га (5:0) қарши бўлиб ўтган Ла Лиганинг 20-турида жароҳат олди. Таъкидлаш лозимки, бельгиялик футболчи учрашувнинг 43-дақиқасидаёқ майдонни тарк этди.

Клуб матбуот хизмати тарқатган хабарга кўра Вермаленнинг сон мушаклари бироз чўзилган. Ҳозирча унинг қачон сафга қайтиши маълум эмас.

Маълумот учун, 32 ёшли футболчи жорий мавсум Ла Лигада жами 8та учрашувда майдонга тушиб, жамоасининг 1та голига ассистентлик қилган.