“Болонья” “Барселона” тарбияланувчисини ўз сафига қўшиб олмоқчи

“Барселона” клубининг собиқ вингери Боян Кркич фаолиятини яна Италия А Сериясида давом эттириши мумкин.

Tuttosport хабарига кўра, “Болонья” трансфер ҳуқуқи Англиянинг “Сток Сити” клубига тегишли бўлган футболчини ўз сафига қўшиб олмоқчи.

Хабарда айтилишича, итальян клуби уни “Наполи”га ўтиши кутилаётган Симоне Вердининг ўрнига олиб келмоқчи.

Эслатиб ўтамиз, Кркич А Серияда бунга қадар “Рома” ва “Милан” клубларида ўйнаган.

Маълумот учун, у ҳозир ижара асосида “Алавес” сафида тўп сурмоқда.