Бу жамоа Роналдуни олишга иккиланмоқда
The Athletic нашрининг хабар беришича, Жорже Мендеш “Манчестер Юнайтед”даги мижози Криштиану Роналдуга янги жамоа топиш ҳаракатларини давом эттирмоқда.
Манбанинг таъкидлашича, португалиялик мутахассис “Спортинг” билан музокара олиб борди. Унгача, Роналду ва Мендеш “Манчестер Юнайтед” раҳбарияти ва бош мураббий Эрик тен Хаг билан гаплашиб, футболчининг кетиш истаги ўзгармаганини маълум қилишди.
“Спортинг” Роналдунинг талаблари тўла мос тушади. Чунки Португалия чемпионатида иккинчи ўринни эгаллаб, Чемпионлар лигасининг гуруҳ босқичида иштирок этади.
Шунга қарамай, лиссабонликлар Роналдуни олишга иккаланмоқда. 37 ёшли футболчининг жамоага қўшилиши ички муҳитни ўзгартириб юборади. Бундан ташқари, “Спортинг” Криштианунинг маошини кўтаришда муаммоларга дуч келиши мумкин.
Фикрлар