Деулофеу 3 йилдан сўнг яна премьер-лигада гол урди

Қишки трансферлар даврида “Барселона”дан “Уотфорд” клубига кўчиб ўтган ярим ҳимоячи Жерар Деулофеу кеча бўлиб ўтган “Челси”га (4:1) қарши баҳсда гол киритишдан ташқари жамоасининг яна бир голига ассистентлик қилди ва пенальти ишлаб берди.

Эътиборлиси, испаниялик футболчи уч йиллик танаффусдан сўнг яна АПЛда гол уришга муваффақ бўлди. У сўнгги марта 2015 йилнинг 28 декабрь куни “Эвертон” сафида “Сток Сити”га (3:4) қарши баҳсда ўз номини таблога ёздириб қўйган эди.

Маълумот учун, Деулофеу “Уотфорд” сафид ҳозирча 2та учрашувда иштирок этиб, ўз ҳисобига 1та гол ҳамда 1та голли узатма ёздириб қўйишга эришган.