Файзуллаев мухлисларига хушхабар

Фаолиятини ЦСКАда давом эттираётган ҳамюртимиз Аббосбек Файзуллаев нуфузли манба – transfermarkt.world  портали томонидан Россия Премьер-лигасининг 21 ёшгача бўлган энг қимматбаҳо футболчилардан таркиб топган рамзий терма жамоасига киритилди.

Интернет-портал рамзий терма жамоани тузишда ҳар бир амплуа бўйича нархи энг баланд бўлган ва ҳали 21 ёшга тўлмаган футболчиларни танлаб олди.

Ушбу рамзий терма жамоа қуйидагича кўриниш олди.

Дарвозабон:

Даниил Худяков (“Локомотив” Москва, Россия) — € 1,5 млн;

Ҳимоячилар:

Сергей Волков (“Краснодар”, Россия) — € 5 млн;

Виктор Мелёхин (“Ростов”, Россия) — € 3,5 млн;

Андрей Лангович (“Ростов”, Россия) — € 1,5 млн;

Даниил Денисов (“Спартак” Москва, Россия) — € 4 млн;

Ярим ҳимоячилар:

Сергей Пиняев (“Локомотив” Москва, Россия) — € 8 млн;

Артём Карпукас (“Локомотив” Москва, Россия) — € 6 млн;

Аббосбек Файзуллаев (ЦСКА, Ўзбекистон) — € 5 млн;

Ҳужумчилар:

Педро Энрике Силва дос Сантос (“Зенит”, Бразилия) — € 7 млн.

Константин Тюкавин (“Динамо” Москва, Россия) — € 12 млн.

Манфред Угальде (“Спартак” Москва, Коста-Рика) — € 8 млн.

Кўриниб турибдики, ушбу рамзий терма жамоадан фақатгина уч нафар легионер ўрин олган. Аббосбек Файзуллаев рўйхатга киритилган ягона осиёлик футболчи ҳисобланади. Бундан ташқари, рамзий терма жамоада ЦСКА вакилларидан бошқа ҳеч ким йўқ.

20 ёшли ҳужумкор футболчи ўтган йилнинг август ойида “Пахтакор”дан ЦСКАга кўчиб ўтганида унинг трансфер суммаси 750 минг еврони ташкил қилар эди. Москвалик “армиячилар” истеъдодли футболчи трансферини 500 минг еврога ҳал қилгани қайд этилган.

Аббосбек Файзуллаевнинг Рссия Премьер-лигасидаги дебюти муваффақиятли чиққани натижасида қисқа фурсатда нархи бир неча баравар ошди. 2023 йилнинг охирги рейтингида ЦСКА ўйнинчисининг трансфер суммаси 4 миллион еврони ташкил қилди.

Қатарда ўтган Осиё кубогида Ўзбекистон миллий терма жамоаси сафида юқори савияда ўйнаган Файзуллаевнинг трансфер суммасига яна бир миллион евро қўшилди. Айни пайтда 5 миллион еврога баҳоланаётган Аббосбек энг машҳур футболчимиз Элдор Шомуродов билан бирга Ўзбекистоннинг энг қимматбаҳо ўйинчиси ҳисобланади.